რა შემთხვევაში დატოვებს ხვიჩა კვარაცხელია ნაპოლის? - ინტერვიუ მამუკა ჯუღელთან

მამუკა ჯუღელმა La Gazzetta dello Sport Georgia-სთან ინტერვიუში აღნიშნა, რომ ამ ეტაპზე „ნაპოლისთან“ მოლაპარაკება მიმდინარეობს და ყველაფერი მაისში გადაწყდება.
„ხვიჩა ძალიან ნერვიულობს ლუქსემბურგთან მატჩში საქართველოს რომ ვერ დაეხმარება, მაგრამ ჩვენ ერთად ვუგულშემატკივრებთ ეროვნულ ნაკრებს. რაც შეეხება "ნაპოლის," გუნდთან მოლაპარაკებები მიმდინარეობს, ვნახოთ, რა მოხდება. ხვიჩა კვარაცხელია „ნაპოლის“ იმ შემთხვევაში დატოვებს, თუ ისეთ თანხას შესთავაზებენ, რომელზეც ნაპოლის ხელმძღვანელობა უარს არ იტყვის. გუნდის კონკრეტულ თანხაზე მე ვერ ვისაუბრებ, ეს გუნდის პრეზიდენტის საქმეა, მე ვიცავ ხვიჩას კონტრაქტს და შრომას. ყველაფერი მაისის ბოლოს გაირკვევა," - განაცხადა მამუკა ჯუღელმა.









