ქართველმა სპორტსმენებმა წარმატებით იასპარეზეს მალაიზიაში გამართულ მსოფლიო ჩემპიონატზე ტაილანდურ კრივში. შეჯიბრებაზე U10 დაU18 კატეგორიაში საქართველომ 2 მედალი მოიპოვა.ტურნირზე ჩვენი ქვეყნიდან სამმა სპორტსმენმა იასპარეზა.
ვერცხლის მედლები გაბრიელ უბერიამ (U10, 30კგ.) და საბა მარკელიამ (U18, 57კგ.) დაისაკუთრეს.
მსოფლიოს ჩემპიონატზე ასპარეზობისა და ტაილანდური კრივის საქართველოში განვითარების შესახებ, La Gazzetta Georgia-სთან ინტერვიუში საქართველოს ტაილანდური კრივის ფედერაციის გენერალურმა მდივანმა, სახელოვანმა ქართველმა კიკბოქსიორმა, მსოფლიოს სამგზის ჩემპიონმა, დავით ქირიამ ისაუბრა.
- რას იტყვით მალაიზიაში გამართულ შეჯიბრებასა და ქართველი სპორტსმენების წარმატებაზე?
- ძალიან კმაყოფილები ვართ შედეგით, რადგან ტაილანდური კრივი ჩვენთვის ახალი გამოწვევაა. სულ რაღაც ერთი წელია დავიწყეთ მუშაობა ამ სპორტის მიმართულებით და ჩვენ უკვე გვყავს ევროპის ჩემპიონი და პრიზიორები, ასევე მსოფლიოს ჩემპიონატის პრიზიორები.
- რამდენად კმაყოფილი ხართ სპორტსმენების საბრძოლო და ფსიქოლოგიური მზადყოფნით?
- სპორტსმენებმა მზადების ბოლო სამკვირიანი ეტაპი გაიარეს ტაილანდში, რამაც ხელი შეუწყო ტექნიკის მეტად დამუშავებასა და საბრძოლო სტილის შეჩვევას, ამ ეტაპისთვის, შეგვიძლია ვთქვათ, რომ ყველაფერს კარგად მოაბეს თავი,მაგრამ სამომავლოდ რა თქმა უნდა, უფრო მეტს მოველით ჩვენი მებრძოლებისგან.
- რა მიმართულებებზე აპირებთ მუშაობას, რათა მომავალში ვერცხლის მედლები ოქროდ გადაიქცეს?
- ამ სპორტის სახეობის უმაღლეს დონეზე ასვლას ვაპირებთ. რა თქმა უნდა, სწორი მუშაობით, ვაპირებთ მწვრთნელების გადამზადებას, ასევ რეგიონებში ტაილანდური კრივის სპორტსკოლებში დამატებას და რაც შეიძლება ბევრი ტურნირის ორგანიზებას, რადგან ჩვენმა სპორტსმენებმა მიიღონ გამოცდილება და განვითარდნენ.
- რას ნიშნავს ქართული ტაილანდური კრივისთვის ორი ვერცხლის მედლის მოპოვება და რა იქნება შემდეგში თქვენი მიზანი?
- ეს არის ისტორიული შედეგი, დიდი ხანია ტაილანდური კრივის ფედერაცია არსებობს საქართველოში, მაგრამ უმოქმედოდ. ჩვენ საქართველოში დავაარსეთ ახალი ფედერაცია, საერთაშორისო ფედერაციიდან მოვიპოვეთ ოფიციალური ლიცენზია და ახლა აღიარების პროცესებს გავდივართ როგორც აღვნიშნე, ჩვენთვის ახალი სპორტის სახეობაა ახალი გამოწვევაა და დარწუმებული ვარ შევძლებთ, საქართველოს მოუტანოთ არაერთი გამარჯვება. დღეს თუ შევძელით და ამ მოკლე დროში მოვიპოვეთ ვერცლის მედალი მომავალში აუცილებლად მოვიპოვებთ ნანატრ ოქროს მედლებს.
- რა ფაქტორებმა განაპირობა ამ წარმატების მიღწევა?
- საქმის მიმართ სიყვარულმა, დაუღალავმა შრომამ, მწვრთნელების სწორმა მუშაობამ, ფედერაციის სწორმა დაგეგმარებამ და საქმის მიმართ ერთგულებამ.
- რა არის ფედერაციის სამომავლო გეგმები?
- როგორც უკვე აღვნიშნე, აღიარების ეტაპებს გავდივართ. აღიარების შემდეგ რეგიონებში კლუბების გახსნას ვგეგმავთ, წლის ბოლოს სხავადსხვა ასაკში საქართველოს ჩემპიონატის ჩატარებას და ასაკობრივი ნაკრებების ჩამოყალიბებას.
- რა შესაძლებლობებს უქმნის ეს წარმატება ახალგაზრდა სპორტსმენებს?
- სპორტსმენებს აძლევს ძალიან დიდ მოტივაციას და სტიმულს რადგან ამ შედეგების მიღწევით იციან, რომ მათი შრომა დაფასდება, 2027 წელს არის ევროპული თამაშები, რაც ჩვენი სპორსტმენებისთვის განსაკუთრებული მოტივაციაა და მჯერა, შრომა სასურველ შედეგამდე მიგვიყვანს.
- რა საერთაშორისო ტურნირებზე გეგმავთ მონაწილეობას უახლოეს მომავალში?
- სექტემბერში გვაქვს დიდების მსოფლიო ჩემპიონატი კოსოვოში, ოქტომბერში ევროპის ჩემპიონატი პარიზში.
- რას ეტყვით იმ ბავშვებსა და და მშობლებს, რომლებიც ტაილანდური კრივით დაინტერესებას აპირებენ, არ უპირატესობა აქვს ამ სახეობას?
⁃ ტაილანდური კრივი არის ის, რაც ასწავლის შრომისმოყვარეობას, დისიპლინასა და პროფესიონალიზმს. ბავშვებსა და მშობლებს ვეტყვი, რომ ძალიან პერსპექტოული სპორტია და ვურჩევ დაკავდნენ სპორტის ამ სახეობით. მინდა კიდევ ერთხელ აღვნიშნო, რომ მათი შრომა აუცილებლად დაფასდება როგორც ფედერაციის ასევე სახელმწიფოს მხრიდან.
