წელს პირველად ჩატარდა ახალგაზრდული ოლიმპიური ფესტივალი. მასშტაბურ ღონისძიებას ბათუმმა უმასპინძლა. შეჯიბრება სპორტის სხვადასხვა 17 სახეობაში გაიმართა და ტურნირში საქართველოს სხვადასხვა რეგიონიდან 1200 ახალგაზრდა სპორტსმენი ჩაერთო.
ოლიმპიური ფესტივალის ჩატარებისა და სამომავლო გეგმების შესახებ, LaGazzetta.ge-სთან საქართველოს ეროვნული ოლიმპიური კომიტეტის პრეზიდენტმა, ლერი ხაბელოვმა ისაუბრა:
- ახალგაზრდულ ოლიმპიურ ფესტივალზე ჩართულობამ და შეჯიბრების ხარისხმა რამდენად უპასუხა თავდაპირველ იდეას?
-რამდენიმე წლის წინ გავაჟღერეთ იდეა და დავიწყეთ მუშაობა. წელს პირველად ჩავატარეთ ახალგაზრდული ოლიმპიური ფესტივალი, სპორტის სხვადასხვა 17 სახეობაში 1200 სპორტსმენი მონაწილეობდა, რაც მაღალ ჩართულობაზე მიუთითებს. მოგეხსენებათ, ამ ასაკში ევროპის ახალგაზრდული ფესტივალი იმართება, სადაც ჩვენი სპორტსმენები რეგულარულად მონაწილეობენ. ჩვენ ვუჩვენეთ ოლიმპიური სულისკვეთება, შევქმენით ოლიმპიური გარემო, გახსნის ცერემონია ოლიმპიური სოფელი და ის ოლიმპიური ფასეულობები რაც გვინდოდა გვეჩვენებინა გავუზიარეთ ჩვენ ახალგაზრდა სპორტსმენებს.
რაც ჩვენთვის ყველაზე მნიშვნელოვანია, პროექტმა კმაყოფილება გამოიწვია და დადებითი ემოციები ვნახეთ, როგორც მონაწილეების ასევე, გულშემატკივრების მხრიდან. ასევე, მნიშვნელოვანია რეგიონების ჩართულობა, ყველა რეგიონს ყველა სახეობაში არ ჰყოლია წარმომადგენელი, თუმცა ეს არაფერს ცვლის.
- ახალგაზრდულ ოლიმპიურ ფესტივალს რეგულარული სახე ექნება?
- სისტემატიურად გვინდა ჩავატაროთ, 2 წელიწადში ერთხელ. ამჟამად დავინახეთ თანხვედრა და ამ პროექტის გარშემო ერთიანობა. 14-17 წლამდე არის ასაკი, როცა მნიშვნელოვანია ახალგაზრდებს ვუჩვენოთ სპორტული სპეციფიკა, რათა დარჩნენ სპორტში და ბოლომდე მიყვენენ თავის მიზნებს. ამ დიდ ფორუმში მონაწილეებს ეცოდინებთ, რა არის შრომა, დისციპლინა და მიზნისკენ სწრაფვა.
- რატომ იყო ახალგაზრდული ოლიმპიური ფესტივალის ჩატარება მნიშვნელოვანი ამ ასაკის სპორტსმენებისთვის?
- მოტივაციის ნაწილი ძალიან დიდია. ნებისმიერი ახალგაზრდა თუ დგას არჩევანის წინაშე, რა თქმა უნდა, სპორტთან ერთად განათლება აუცილებელია და ერთად უნდა გაართვას თავი. ჩვენ ვუჩვენეთ გარემოება და მიიღეს გამოცდილება.
- მე ვეკითხებოდი მონაწილეებს რამდენად მოეწონათ და ვხედავდი მათ გაბრწყინებულ თვალებს, რაც ძალიან მნიშვნელოვანია. ეს ყველაფერი, ეკიპირება, ტრასპორტირება, ოლიმპიური სოფლის სპრეციფიკა - სრულიად უფასო ოყო. ასევე რეგიონებიდან იყო წარმოდგენილი გახსნის ცერემონიაზე კულტურულ ღონისძიებაში ჩართული ახალგაზრდები. ეს პროექტი ერთობლივი ძალებით გავაკეთეთ, საქართელოს მთავრობა, რეგიონული თვითმმართველობა, აჭარის მთავრობა, ბათუმის მერია, ყველა იყო ჩართული საორგანიზაციო საკითხებში. დიდი მადლობა მინდა ვუთხრა ყველას, ეს ღონისძიება არ ეკუთვნის ეროვნულ ოლიმპიურ კომიტეტს, ეს ეკუთვნის ჩვენს ახალგაზრდებს. შემიძლია სიხარულით ვთქვა, რომ შედეგებმა მოლოდინს გადააჭარბა.
- სპორტსმენებისთვის რამდენად არის მოტივაცია ეს პროექტი ახალი მიზნებისთვის?
- 1200 ახალგაზრდა შეიკრირება ერთად, გაიცნეს ერთმანეთი, დამეგობრდნენ. ნახეს გახსნის ცერემონია, ბათუმი სრულად იყო ბრენდირებული ტურნირის შესაბამისად.
ეს ყველაფერი ახალგაზრდებისთვის მოტივაციაა, ისინი ხედავენ, რომ საჭირონი არიან. ჩვენი მომავალია, სტიმული ეძლევათ, ახალ მიზნებს ისახავენ. იმედი მაქვს, შემდეგ წლებში კიდევ უფრო მეტი ახალგაზრდა ჩაერთვება.
ყველა განვითარებული ქვეყანა სხადასხვა სპორტულ პროგრამას აკეთებს, ეს გამოცდილება არსებობს, მნიშვნელოვანია სპორტში იყოს ჩართული ახალგაზრდა, სპორტი არის მიზანი და მიზნის ქონა მნიშვნელოვანია. ჩემპიონის შინაგანი სწრაფვა არის მხოლოდ გამარჯვებისკენ და სურს მიაღწიოს გამარჯვებას, რომელ სფეროშიც არ უნდა წვიდეს სპორტში მიღებული უნარები ყველაფერში გამოადგება.
