გავლენიანი ესპანური გამოცემები რეალ მადრიდის ნახევარდაცვის ხაზთან დაკავშირებით ახალ ინფორმაციას ავრცელებენ — როგორც ცნობილი ხდება, სამეფო კლუბი ზაფხულის სატრანსფერო ფანჯარაზე რამდენიმე მნიშვნელოვანი გადაწყვეტილების მიღებას გეგმავს. საუბარია ფედერიკო ვალვერდეს, ორელიენ ჩუამენისა და ედუარდო კამავინგას მომავალზე, რომელთა გარშემოც ბოლო პერიოდში არაერთი ინფორმაცია ვრცელდება.
პირველ რიგში ფედერიკო ვალვერდეზე ვისაუბროთ. გავრცელებული ინფორმაციით, ურუგვაელი ნახევარმცველის მომავალი გადაწყვეტილია და ის რეალ მადრიდში 100% დარჩება. როგორც იწერება, ჟოზე მოურინიო ვალვერდეს შესაძლებლობებს ძალიან აფასებს და ფეხბურთელის მიმართ სრულ ნდობას გამოხატავს. სწორედ ამიტომ, სამეფო კლუბი მის გაყიდვას არ განიხილავს და ახალი სეზონისთვისაც ერთ-ერთ მნიშვნელოვან ფიგურად მიიჩნევს.
რაც შეეხება ედუარდო კამავინგასა და ორელიენ ჩუამენის, მათი სიტუაცია განსხვავებულია. წყაროების ცნობით, რეალ მადრიდი კამავინგას ზაფხულში გაყიდვას კვლავ შეეცდება და მოურინიოს დაბრუნების შემდეგაც, 23 წლის ნახევარმცველის მომავალი არ შეცვლილა. ხოლო რაც შეეხება ჩუამენის, სამეფო კლუბი მის სანაცვლოდ ყველა შეთავაზებას განიხილავს, თუმცა კამავინგასგან განსხვავებით, 26 წლის ფეხბურთელს რეალ მადრიდში დარჩენის ბევრად დიდი შანსი აქვს. უახლოეს კვირებში ფრანგი ფეხბურთელების თაობაზე უფრო მეტი დაზუსტებული ინფორმაცია გახდება ცნობილი.
