რეალ მადრიდი ზაფხულის სატრანსფერო ფანჯარაზე აქტიურობას აგრძელებს და როგორც ესპანური გამოცემები წერენ, შემდეგი ფეხბურთელი, რომლის დამატებასაც ფლორენტინო პერესი შეეცდება, ენცო ფერნანდესია!
გავრცელებული ინფორმაციით, სამეფო კლუბმა არგენტინელი ნახევარმცველის ტრანსფერზე მუშაობა ოფიციალურად დაიწყო და მისი დამატების შესაძლებლობას აქტიურად განიხილავს.
წყაროების ცნობით, ენცო ფერნანდესის გადაბირება ჟოზე მოურინიოს ერთ-ერთი მთავარი სურვილია. თავად ფეხბურთელს რეალ მადრიდის მიმართ სიმპათია არასდროს დაუმალავს, რასაც ჩელსის დატოვების სურვილიც ემატება, რაც ტრანსფერის განხორციელების შანსებს ზრდის.
ენცო ფერნანდესის სავარაუდო სატრანსფერო ღირებულება €120-130 მილიონ ევროს შეადგენს. რეალი უკვე ამზადებს პირველ ოფიციალურ შეთავაზებას, რაც იმას ნიშნავს, რომ უახლოეს საათებში ამ პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი. მადრიდელთა სიაში სხვა ფეხბურთელებიც არიან და თუ ენცო ფერნანდესის ტრანსფერი არ შედგება, სამეფო კლუბი სხვა კანდიდატურაზე გადაერთვება.
