დადასტურებულად - მილანი ენდრიკით სერიოზულად ინტერესდება! კლუბის მფლობელს, ჯერი კარდინალეს, ბრაზილიელი ფეხბურთელისთვის დაახლოებით €60-70 მილიონი აქვს გამოყოფილი, ამ ინფორმაციას ყველა გავლენიანი გამოცემა ადასტურებს. თუმცა, კონკურენცია საკმაოდ დიდია, ენდრიკის დამატება რომასაც სურს, საქმეში ინგლისური კლუბებიც არიან ჩართული და მოსალოდნელია, რომ მომდევნო კვირებში სხვა გუნდებიც გააქტიურდებიან. "როსონერიმ" პირველი ნაბიჯი უკვე გადადგა და ახალგაზდა ფეხბურთელის წარმომადგენლებთან მოლაპარაკებები დაიწყო, რაც იმას ნიშნავს, რომ რუბენ ამორიმს ფეხბურთელის დამატება ძალიან სურს.
მნიშვნელოვანია ისიც, რომ რეალ მადრიდი, დიდი ალბათობით, ფეხბურთელის გაშვების შემთხვევაში უკან დაბრუნების უფლებას (Buy-back clause) მოითხოვს. შესაბამისად, მადრიდულ კლუბს ენდრიკის მომავალზე კონტროლის შენარჩუნება სურს და ბრაზილიელის საბოლოო გაშვებას მარტივად არ დათანხმდება.
ამ ეტაპზე ზუსტად არ ვიცით, თავად ენდრიკს რომელ კლუბში სურს გადასვლა ან საერთოდ აპირებს თუ არა იანვარში რეალის დატოვებას. მოურინიოს ფეხბურთელის შენარჩუნება უნდა, თუმცა, თუ ბრაზილიელი წასვლის სურვილს გამოთქვამს, პორტუგალიელი, სავარაუდოდ, მის გაშვებას დათანხმდება.
დღეს და ხვალ არაფერი გადაწყდება და მინიმუმ დეკემბრის ბოლომდე მოგვიწევს მოცდა. ამის შემდეგ უკვე უფრო ნათელი გახდება, რამდენად რეალურია ენდრიკის რეალიდან წასვლა და რომელ კლუბში გააგრძელებს ბრაზილიელი კარიერას.















