"ყველაფერი ოლისეზეა დამოკიდებული" — სწორედ ასე აფასებს ესპანური მედია ფრანგი ვარსკვლავის გარშემო მიმდინარე სიტუაციას. გავრცელებული ინფორმაციით, თუ ფეხბურთელი მადრიდის რეალში გადასვლაზე თანხმობას განაცხადებს, სამეფო კლუბი ბაიერნს ახალ, გაუმჯობესებულ წინადადებას წარუდგენს.
წყაროების ცნობით, მადრიდელები ოლისეს სანაცვლოდ €200 მილიონზე მეტის გადახდისთვისაც მზად არიან, რაც ამ გარიგებას ფეხბურთის ისტორიაში ერთ-ერთ ყველაზე ძვირად ღირებულ ტრანსფერად აქცევს.
"
ამავე ცნობების თანახმად, ბაიერნში ფრანგი ფეხბურთელის გაყიდვას ამ ეტაპზე არც კი განიხილავენ, თუმცა დიდი შანსია, ყველაფერი სწორედ ოლისეს გადაწყვეტილებამ შეცვალოს. იმ შემთხვევაში, თუ 24 წლის ვინგერი სამეფო კლუბში გადასვლას მოითხოვს, რეკორდმაისტერს დათმობაზე წასვლა მოუწევს.
უფრო მეტი და დაზუსტებული ინფორმაცია ოლისეს რეალ მადრიდში შესაძლო ტრანსფერთან დაკავშირებით უახლოეს დღეებში გახდება ცნობილი.
