რამდენიმეკვირიანი მოლაპარაკებები საბოლოო შეთანხმებით დასრულდა, ბრუნო გიმარაესი ნიუკასლიდან კარიერას არსენალში გააგრძელებს! 28 წლის ფეხბურთელს ლონდონში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
არსენალი ბრაზილიელი ფეხბურთელის სანაცვლოდ დაახლოებით £75/80 მილიონს გადაიხდის, გიმარაესი კი "მეთოფეებთან" გრძელვადიან ხელშეკრულებას გააფორმებს.
ბრუნო გიმარაესი ნიუკასლის ღირსებას 2022 წლიდან იცავდა. ბრაზილიელმა ამ დროში 195 მატჩის ჩატარება მოასწრო, გაიტანა 31 გოლი და 32 საგოლე გადაცემითაც გამოიჩინა თავი.
თუ ბოლო მომენტში რაიმე გაუთვალისწინებელი არ მოხდა, არსენალი ბრაზილიელი ფეხბურთელის ტრანსფერს უახლოეს დღეებში ოფიციალურად დაადასტურებს.
