საქართველოს ფუტსალის ეროვნულმა ნაკრებმა ერევნის საერთაშორისო ტურნირზე ასპარეზობა დაასრულა. ტურნირის დასკვნით შეხვედრაში ჩვენი გუნდი სომხეთის ნაკრებს დაუპირისპირდა. მატჩი მასპინძელთა გამარჯვებით, 3:1 დასრულდა.
საქართველოს ნაკრებიდან გოლი გიორგი ჩიმაკაძემ გაიტანა.
შეგახესენებთ, ერევნის ტურნირის პირველ შეხვედრაში საქართველოს ნაკრებმა მოლდოვა 5:1 დაამარცხა და ტურნირი მეორე ადგილზე დაასრულა.
სომხეთში ჩატარებული ამხანაგური შეხვედრები საქართველოს ფუტსალის ნაკრებისთვის ევროპის ჩემპიონატისთვის მზადების ნაწილი იყო.
ევრო 2026 21 იანვრიდან 7 თებერვლის ჩათვლით სლოვენიაში, ლატვიასა და ლიეტუვაში გაიმართება.
საქართველოს ნაკრები A ჯგუფში იასპარეზებს, სადაც ჩვენი გუნდის მეტოქეები ლატვია, ხორვატია და საფრანგეთი იქნებიან.
ევროპის ჩემპიონატის ჯგუფური ეტაპის კალენდარი:
21 იანვარი - ლატვია - საქართველო (რიგა, ლატვია)
25 იანვარი - ხორვატია - საქართველო (რიგა, ლატვია)
28 იანვარი - საქართველო - საფრანგეთი (კაუნასი, ლიეტუვა)
