მიუხედავად იმისა, რომ გასულ თვეებში გიორგი მიქაუტაძის შესახებ ბევრი არაფერი დაწერილა, ქართველი ფორვარდი ზაფხულის სატრანსფერო ფანჯრის ერთ-ერთ მოთხოვნად ფეხბურთელად ამ დრომდე რჩება.
როგორც ჩვენთვის ხდება ცნობილი, ქართველი თავდამსხმელით ტოტენჰემი ინტერესდება. ლონდონური კლუბი შეტევის ხაზის გაძლიერებაზე მუშაობს და დაზუსტებულად შეგვიძლია იმის თქმა, რომ მიქაუტაძე "დეზების" სიაშია.
ბოლო დღეებში ესპანურ მედიაში ასევე გავრცელდა ინფორმაცია, რომ მიქაუტაძის მიმართ ინტერესს ბარსელონაც იჩენს, თუმცა ამ ეტაპზე აღნიშნულ ცნობებს სანდო წყაროები არ ადასტურებენ და კატალონიური კლუბის მხრიდან რაიმე კონკრეტულ ნაბიჯზე საუბარი ჯერ ნაადრევია.
რაც შეეხება ვილიარეალის პოზიციას, ესპანურ კლუბს ქართველი ფორვარდის გაყიდვა არ სურს და მისი შენარჩუნება პრიორიტეტად რჩება. მიუხედავად ამისა, თუ კლუბი დაახლოებით €50 მილიონს ან უფრო სოლიდურ შეთავაზებას მიიღებს, დიდი ალბათობით ტრანსფერს განიხილავს და მიქაუტაძეს გუნდიდან გაუშვებს.
ინფორმაცია განახლებადია...
