ტოტენჰემი მომდენო სეზონისთვის მზადებას აქტიურად აგრძელებს და როგორც იწერება, "დეზებს" საკმაოდ დატვირთული აგვისტოს თვე ექნებათ. გავრცელებული ინფორმაციის თანახმად, რობერტო დე ძერბის მთავარი სატრანსფერო სამიზნე ამ ეტაპზე სავინიოა და კლუბი მის დასამატებლად ყველაფერს გააკეთებს. ტოტენჰემი ბრაზილიელის ტრანსფერზე უკვე დიდი ხანია მუშაობს და სწორედ ის რჩება ლონდონური კლუბის პრიორიტეტად. თუმცა, თუ ამ ტრანსფერის განხორციელება ვერ მოხერხდება, კლუბის გეგმა B პედრუ ნეტუ გახდება, რომელიც ტოტენჰემის ხელმძღვანელობას ასევე ძალიან მოსწონს.
პარალელურად, რობერტო დე ძერბი კოდი გაკპოს დამატებასაც სერიოზულად განიხილავს და ამ მიმართულებითაც მიმდინარეობს მუშაობა. გავრცელებული ინფორმაციით, არსებობს რეალური შანსი, რომ აღნიშნული სამი ფეხბურთელიდან ორმა მიმდინარე სატრანსფერო ფანჯრის განმავლობაში კლუბი შეიცვალოს და კარიერა სწორედ ტოტენჰემში გააგრძელოს.
საინტერესოა ისიც, რომ ამ შესაძლო ტრანსფერებს შორის პირდაპირი კავშირი არსებობს. თუ სავინიო მანჩესტერ სიტის დატოვებს და ტოტენჰემში გადავა, "ქალაქელები" მის შემცვლელად სწორედ პედრუ ნეტუს გაფორმებას შეეცდებიან. შესაბამისად, მომდევნო დღეებში ამ ფეხბურთელების მომავალთან დაკავშირებით უფრო მეტ ინფორმაციას შევიტყობთ.
პედრუ ნეტუს, სავინიოსა და კოდი გაკპოს სატრანსფერო საგა სულ უფრო საინტერესო ხდება!
