მას შემდეგ, რაც ენცო მარესკა მანჩესტერ სიტის მთავარ მწვრთნელად ოფიციალურად დაინიშნა, გავლენიანმა ბრიტანულმა გამოცემებმა იმ ფეხბურთელების სია გაავრცელეს, რომლებიც იტალიელი სპეციალისტის გეგმებში არ შედიან და დიდი ალბათობით, ზაფხულის სატრანსფერო ფანჯრის პერიოდში გუნდს დატოვებენ.
ჯეიმს ტრაფორდი, ნათან აკე, მატეო კოვაჩიჩი, კალვინ ფილიპსი, ნიკო გონსალესი, ტიჯანი რეინდერსი, ჯეკ გრილიში, სავინიო, ომარ მარმუში— ეს მოთამაშეები მარესკას გეგმებში არ შედიან, რაც იმას ნიშნავს, რომ კლუბი მათ სანაცვლოდ ყველა შეთავაზებას განიხილავს.
რაც შეეხება რუბენ დიაშსა და როდრის, მარესკას მათი გასხვისება არ სურს, თუმცა ამ მომენტისთვის იმის გადაჭრით თქმა, რომ ისინი კლუბში 100% დარჩებიან, ჯერ ნაადრევია.
იმის ფონზე, რომ კლუბს არაერთი ფეხბურთელი ტოვებს, მანჩესტერ სიტის საკმაოდ დატვირთული სატრანსფერო ფანჯარა ელის. მოსალოდნელია, რომ "ქალაქელები“ მიმდინარე ზაფხულში რამდენიმე ახალ მოთამაშეს დაიმატებენ. შეგახსენებთ, კლუბმა ელიოტ ანდერსონის ტრანსფერი უკვე დახურა, თუმცა ეს მხოლოდ დასაწყისია.
