მიმდინარე მსოფლიო ჩემპიონატის ერთ-ერთი აღმოჩენის, ფელიქს ნმეჩას მიმართ სულ უფრო მეტს საუბრობენ და წერენ. გერმანიის ეროვნული ნაკრების ნახევარმცველმა მუნდიალი საკმაოდ კარგად დაიწყო და როგორც მოსალოდნელი იყო, მის მიმართ ინტერესი არაერთმა ტოპ კლუბმა გამოხატა.
გავლენიან გერმანულ წყაროებს თუ დავუჯერებთ, 25 წლის ცენტრალური ნახევარმცველით მანჩესტერ იუნაიტედი, მანჩესტერ სიტი, ლივერპული და რეალ მადრიდი ინტერესდებიან! მეტიც, ფეხბურთელის აგენტს პირველად სწორედ მანჩესტერ იუნაიტედის წარმომადგენლები დაუკავშირდნენ, სადაც მხარეებმა პოტენციურ ტრანსფერზე ისაუბრეს.
ფელიქს ნმეჩას დორტმუნდთან არსებული კონტრაქტი 2030 წლამდე აკავშირებს, მისი სავარაუდო სატრანსფერო ღირებულება კი დაახლოებით €70-80 მილიონს შეადგენს. შავ-ყვითლებს გერმანელის შენარჩუნება სურთ, თუმცა მის მიმართ ინტერესი ყოველდღიურად იზრდება, რაც ტრანსფერის ალბათობასაც ზრდის.
მუნდიალის დასრულების შემდეგ ნმეჩას მომავალთან დაკავშირებით უფრო მეტი დაზუსტებული ინფორმაცია გახდება ცნობილი.
