ტრანსფერი დაიხურა — ელიოტ ანდერსონი ნოტინგემ ფორესტიდან კარიერას მანჩესტერ სიტიში გააგრძელებს! მხარეებმა გარიგების ყველა დეტალი შეათანხმეს და 23 წლის ფეხბურთელი უახლოეს საათებში სამედიცინო შემოწმებას გაივლის, რის შემდეგაც ახალ კლუბთან გრძელვადიან ხელშეკრულებას გააფორმებს. მანჩესტერ სიტი ინგლისელი ნახევარმცველის სანაცვლოდ დაახლოებით £116 მილიონს გადაიხდის.
ელიოტ ანდერსონი ნოტინგემ ფორესტის ღირსებას 2024 წლიდან იცავდა. ამ პერიოდის განმავლობაში ინგლისელმა ნახევარმცველმა 92 მატჩი ჩაატარა, 6 გოლი გაიტანა და 11 საგოლე გადაცემა მიითვალა. მიუხედავად იმისა, რომ მისი სტატისტიკა განსაკუთრებით შთამბეჭდავი არ არის, ანდერსონი პრემიერ ლიგის ერთ-ერთ საუკეთესო ნახევარმცველად მიიჩნევა, რაც გასულ სეზონშიც არაერთხელ დაამტკიცა.
მანჩესტერ სიტი სატრანსფერო ბაზარზე გაჩერებას არ აპირებს. გავრცელებული ინფორმაციით, "ქალაქელები“ მიმდინარე ზაფხულის სატრანსფერო ფანჯრის განმავლობაში მინიმუმ კიდევ ხუთ ახალ ფეხბურთელს დაიმატებენ.
