დიდი ხნის წინ დადასტურდა, რომ სანდრო ტონალი მიმდინარე წლის ზაფხულში ნიუკასლსს 100% დატოვებდა და ამის თაობაზე ჩვენც არაერთხელ დავწერეთ. ამ მომენტისთვის იტალიელი ნახევარმცველის მომავალი კვლავ გაურკვეველია, თუმცა ინტერესის დონე დღითიდღე იზრდება და მის გარშემო ნამდვილი სატრანსფერო ბრძოლა იწყება.
ბოლო კვირებში ტონალის მიმართ სერიოზული ინტერესს გამოხატავდნენ არსენალი, მანჩესტერ სიტი და მანჩესტერ იუნაიტედი. თითოეული კლუბი მზად არის იტალიელის დამატებით შუა ხაზი მნიშვნელოვნად გააძლიეროს, თუმცა ამ მომენტამდე ნიუკასლისთვის შეთავაზება ჯერ არავის გაუკეთებია.
დღეს კი გაირკვა, რომ ბრძოლაში ჩაერთო ტოტენჰემი და ზემოხსენებული კლუბებისგან განსხვავებით, ლონდონური კლუბი უკვე ამზადებს პირველ ოფიციალურ შეთავაზებას. ამასთან, რობერტო დე ძერბი ყველაფერს აკეთებს, რათა იტალიელი ნახევარმცველი ახალ პროექტში დაარწმუნოს და მისი გადაბირება მოახერხოს. ინფორმაციისთვის იმასაც გეტყვით, რომ თავად ტონალი ტოტენჰემში თამაშს სერიოზულად განიხილავს, რაც "დეზებს" საქმეს კიდევ უფრო უადვილებს.
უახლოეს დღეებში ტონალი-ტოტენჰემის გარშემო უფრო მეტი ინფორმაცია გახდება ცნობილი, თუმცა ერთი რამ ფაქტია, 26 წლის ნახევარმცველი ახალ სეზონს აუცილებლად ახალ გუნდში დაიწყებს, შესაბამისად, წინ ძალიან საინტერესო სატრანსფერო საგა გველოდება.
