დღეს საქართველოს ფუტსალის ეროვნული ნაკრები ევროპის ჩემპიონატის მეინ რაუნდის მესამე მატჩს გამართავს. ჩვენი გუნდი თბილისი არენაზე ბულგარეთის ნაკრებს უმასპინძლებს.
დისკვალიფიკაციის გამო, ბულგარეთთან საშინაო მატჩს შოთა თოფურია გამოტოვებს.
ევროპის ჩემპიონატის საგზურს მეინ რაუნდის ათი ჯგუფის გამარჯვებული მოიპოვებს, რვა საუკეთესო მეორეადგილოსანი კი, საგზურისთვის ბრძოლას პლე-ოფში გააგრძელებს.
საქართველო - ბულგარეთის მატჩი თბილისი არენაზე 20:00 საათზე დაიწყება. მატჩზე დასწრება თავისუფალია.
ფოტო: საქართველოს ფეხბურთის ფედერაცია