1952 წელს, რუსეთიდან ჰელსინკის ოლიმპიადისკენ მიმავალ მატარებელში იჯდა ბიჭი, რომელიც ფილტვების ანთებას ებრძოდა და არავინ იცოდა, რომ ვირუსთან გამარჯვებას ისტორიული გამარჯვება მოჰყვებოდა.
ქართული ძალოსნობის ტრიუმფი პირველივე ოლიმპიადაზე შედგა. 1952 წელს ოლიმპიური ჩემპიონობა რაფაელ ჩიმიშკიანმა იზეიმა.
ქართველი ძალოსანი XX საუკუნის მიწურულს, როცა სპორტის სხვადასხვა სახეობებში საუკეთესოები გამოავლინეს, საქართველოს უძლიერეს ძალოსნად აღიარეს.
ჩიმიშკიანი იყო მსოფლიოს ორგზის ჩემპიონი, ევროპის ექვსგზის ჩემპიონი (1950, 1951, 1954-57 წ.წ.) და მსოფლიო უნივერსიადის ჩემპიონი (1951 წ.), სსრკ ათგზის ჩემპიონი (1949-60 წ.წ.), მსოფლიოს 11-გზის რეკორდსმენი, აქედან 5 რეკორდი დამყარებული ჰქონდა სამჭიდში: 337,5 კგ. (1952 წ.), 340 კგ. (1953 წ.), 342,5 კგ., 345 კგ., 350 კგ. (1954 წ.). ის იყო საერთაშორისო კატეგორიის მსაჯი. თბილისის საპატიო მოქალაქე, ბრწყინვალების საპრეზიდენტო, ღირსებისა და ვახტანგ გორგასლის II ხარისხის ორდენების კავალერი. 2012 წელს ძალოსანს სპორტის რაინდის წოდება მიენიჭა. რაფაელ ჩიმიშკიანი 2022 წლის სექტემბერში 93 წლის გარდაიცვალა.
დიმიტრი შანიძემ (60 კგ). ქართულ ძალოსნობას 2 ოლიმპიური მედალი შემატა. შანიძე XIX და XX ოლიმპიური თამაშების მეორე პრიზიორი (1968წ., მეხიკო და 1972წ., მიუნხენი) გახდა.
ქართული ტრიუმფიდან 40-წლიანი პაუზის შემდეგ, ოლიმპიური ჩემპიონობა კვლავ იზეიმა ქართველმა სპორტსმენმა. მიუხედავად იმისა რომ საქართველო დამოუკიდებელი ქვეყნის სახელით ვერ წარსდგა ოლიმპიადაზე, შესაძლებლობა ჰქონდა ეროვნული სიმბოლიკები დაჯილდოების ცერემონიაზე გამოეყენებინა.
1992 წელს ბარსელონას ოლიმპიური თამაშების ჩემპიონი კახი კახიაშვილი გახდა. ქართველ ძალოსანს გამარჯვების შემდეგ საქართველოს ეროვნული სიმბოლოების წარმოჩენისთვისაც მოუწია ბრძოლა.
დამოუკიდებელ სახელმწიფოთა თანამეგობრობის გუნდის წევრებში ფავორიტებად კახიაშვილი და უზბეკეთის წარმომადგენელი სერგეი სირცოვი მიიჩნეოდნენ. მწვრთნელები სირცოვს ანიჭებდნენ უპირატესობას, თუმცა კახიაშვილი მასზე - 200 გრამით მსუბუქი იყო. სირცოვმა ატაცში ოლიმპიური რეკორდიც დაამყარა - 190 კილოგრამი დაძლია, აკვრაში ასპარეზობა მან დაიწყო და 222,5-ზე მეტი ვერ დაძლია. ბოლო ცდის წინ კახიაშვილმა და მისმა მწვრთნელმა ვანო გრიქუროვმა 235 კილოგრამი შეუკვეთეს, ნაკრების მთავარ მწვრთნელს არაფერი უთქვამს, იცოდა, რომ ქართველს 232,5 კილოზე მეტი არასდროს აუწევია. ქართველმა ოლიმპიური რეკორდი დაამყარა და ოლიმპიური ჩემპიონობა იზეიმა.
კილოგრამებთან მოგებული ბრძოლისს შემდეგ ოლიმპიურ ჩემპიონს ბრძოლა საქართველოსთვის მოუწია, დაჯილდოების ცერემონიალზე კახიაშვილის გვარის გასწვრი საქართველოს ნაცვლად რუსეთი ეწერა, ქართველმა კვარცხლბეკზე ასვლაზე უარი თქვა, ვიდრე შეცდომა არ გასწორდა.
კახიაშვილმა ოქროს მედალი 1996/2000 წლის ოლიმპიადებზეც მოიპოვა, თუმცა მაშინ უკვე საბერძნეთის სახელით ასპარეზობდა.
1992 წელს ბარსელონას ოლიმპიური თამაშების ჩემპიონი კახი კახიაშვილი გახდა. ქართველ ძალოსანს გამარჯვების შემდეგ საქართველოს ეროვნული სიმბოლოების წარმოჩენისთვისაც მოუწია ბრძოლა.
დამოუკიდებელ სახელმწიფოთა თანამეგობრობის გუნდის წევრებში ფავორიტებად კახიაშვილი და უზბეკეთის წარმომადგენელი სერგეი სირცოვი მიიჩნეოდნენ. მწვრთნელები სირცოვს ანიჭებდნენ უპირატესობას, თუმცა კახიაშვილი მასზე - 200 გრამით მსუბუქი იყო. სირცოვმა ატაცში ოლიმპიური რეკორდიც დაამყარა - 190 კილოგრამი დაძლია, აკვრაში ასპარეზობა მან დაიწყო და 222,5-ზე მეტი ვერ დაძლია. ბოლო ცდის წინ კახიაშვილმა და მისმა მწვრთნელმა ვანო გრიქუროვმა 235 კილოგრამი შეუკვეთეს, ნაკრების მთავარ მწვრთნელს არაფერი უთქვამს, იცოდა, რომ ქართველს 232,5 კილოზე მეტი არასდროს აუწევია. ქართველმა ოლიმპიური რეკორდი დაამყარა და ოლიმპიური ჩემპიონობა იზეიმა.
კილოგრამებთან მოგებული ბრძოლისს შემდეგ ოლიმპიურ ჩემპიონს ბრძოლა საქართველოსთვის მოუწია, დაჯილდოების ცერემონიალზე კახიაშვილის გვარის გასწვრი საქართველოს ნაცვლად რუსეთი ეწერა, ქართველმა კვარცხლბეკზე ასვლაზე უარი თქვა, ვიდრე შეცდომა არ გასწორდა.
კახიაშვილმა ოქროს მედალი 1996/2000 წლის ოლიმპიადებზეც მოიპოვა, თუმცა მაშინ უკვე საბერძნეთის სახელით ასპარეზობდა.
ჩვენს ქვეყანას ძალოსნობაში მორიგი ოლიმპიური მედალი გიორგი ასანიძემ 2000 წელს მოუტანა, ქართველმა ბრინჯაო მოიპოვა.
2004 წელს კი გიორგი ასანიძემ ოლიმპიური ჩემპიონობა იზეიმა და საქართველოს დამოუკიდებლობის ისტორიაში (ოლიმპიურ ასპარეზზე დამოუკიდებლად გასვლის შემდგე) პირველი ქართველი ძალოსანი გახდა, რომელიც ოლიმპიადაზე ოქროს მედალს დაეუფლა.
2008 წელს ძალოსნებმა კიდევ ერთი მედალი შემატეს ოლიმპიურ კალათას, არსენ კასაბიევმა ვერცხლი მოიპოვა.
2004 წელს კი გიორგი ასანიძემ ოლიმპიური ჩემპიონობა იზეიმა და საქართველოს დამოუკიდებლობის ისტორიაში (ოლიმპიურ ასპარეზზე დამოუკიდებლად გასვლის შემდგე) პირველი ქართველი ძალოსანი გახდა, რომელიც ოლიმპიადაზე ოქროს მედალს დაეუფლა.
2008 წელს ძალოსნებმა კიდევ ერთი მედალი შემატეს ოლიმპიურ კალათას, არსენ კასაბიევმა ვერცხლი მოიპოვა.
მას შემდეგ რაც ოლიმპიური ჩემპიონი და ოლიმპიური თამაშების პრიზიორი გიორგი ასანიძე საქართველოს ძალოსანთა ნაკრების მთავარი მწვრთნელი გახდა, ოლიმპიადაზე ქართველების ტრიუმფი იწყება, რომლის მთავარი გმირიც პლანეტის უძლიერესი ძალოსანი ლაშა ტალახაძეა.
2016 წელს რიოს ოლიმპიადაზე ტრიუმფალური გამარჯვება იზეიმა ლაშა ტალახაძემ, ქართველმა მძიმეწონოსანთა შეჯიბრებაში ატაცისა და აკვრის ჯამში ჩემპიონობა მსოფლიო და ოლიმპიური რეკორდებით (473 კგ.) დაიმსახურა.
2016 წლის ოლიმპიური თამაშები ქართველი ძალოსნობისთვის და სრულიად საქართველოსთვის, ისტორიული აღმოჩნდა, რადგან კვარცხლბეკზე ერთდროულად 2 ქართველი, ჩვენი ქვეყნის დროშისა და ჰიმნის ფონზე იდგა. პარალელურად ირაკლი თურმანიძემ ბრინჯაოს მედალი მოიპოვა.
კვლავ 2 მედლის მოპოვება მოახერხეს ძალოსნებმა ტოკიოს ოლიმპიადაზე, ლაშა ტალახაძემ მორიგი ტრიუმფით იზეიმა უკვე მეორედ ოლიმპიური ჩემპიონობა, ქართველმა ორჭიდის ჯამში 488 კილოგრამი დააგროვა, რეკორდები დაამყარა და მეორე ადგილზე გასულ ალი დავუდის 47 კილოგრამით აჯობა. ლაშა დამოუკიდებელი საქართველოს ისტორიაში ერთადერთი ქართველია, რომელმაც ოლიმპიური ჩემპიონობა ორჯერ იზეიმა. ტოკიოში ბრინჯაოს მედალი ანატოლი პლესნოიმ მოიპოვა.
პარიზის ოლიმპიურ თამაშებზე საქართველოდან წელს 3 ძალოსანი იასპარეზებს, შოთა მიშველიძე (61კგ.), ირაკლი ჩხეიძე (102კგ.) და ლაშა ტალახაძე (+109 კგ.).
XXXIII ოლიმპიური თამაშები ოფიციალურად 26 ივლისს გაიხსნება და 11 აგვისტოს დასრულდება.
