შეთანხმება შედგა, ალან ელიასი პალმეირასიდან კარიერას მანჩესტერ სიტიში გააგრძელებს! 22 წლის ბრაზილიელ ვინგერს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
მანჩესტერ სიტი ალანის სანაცვლოდ დაახლოებით €40 მილიონს გადაიხდის, თავად ბრაზილიელი კი "ქალაქელებთან" 5-წლიან კონტრაქტს გააფორმებს.
მას შემდეგ, რაც სავინიოს ტოტენჰემში ტრანსფერი დაიხურა, ენცო მარესკამ ახალი ვინგერის დამატება მოითხოვა. განიხილებოდა სხვა ვარიანტებიც, თუმცა მანჩესტერ სიტის სკაუტებმა არჩევანი ალანზე შეაჩერეს.
ალანი პალმეირასის აკადემიის აღზრდილია, პირველი გუნდის ღირსებას კი 2025 წლიდან იცავდა. ბრაზილიელმა ამ დროში 96 მატჩის ჩატარება მოასწრო, გაიტანა 9 გოლი და 12 საგოლე გადაცემითაც გამოიჩინა თავი.
