ზაფხულის სატრანსფერო ფანჯრის დახურვამდე 8 დღით ადრე, კოდი გაკპოს შესახებ საუბრები არ წყდება. როგორც მოგეხსენებათ, ნიდერლანდელი ფეხბურთელის ტრანსფერზე ტოტენჰემი უკვე რამდენიმე კვირაა მუშაობს, თუმცა მხარეები შეთანხმებას ამ დრომდე ვერ ახერხებენ.
ახლა კი ცნობილი ხდება, რომ საქმეში მანჩესტერ სიტიც ჩაერთო. როგორც ირკვევა, პირველი კონტაქტი უკვე შედგა, სადაც მხარეებმა პოტენციურ ტრანსფერზე ისაუბრეს. ენცო მარესკას 27 წლის ფეხბურთელი ძალიან მოსწონს და მისი დამატება მისთვის პრიორიტეტულია.
რაც შეეხება ფეხბურთელისა და ლივერპულის პოზიციას — გაკპო ენფილდის დატოვებას სერიოზულად განიხილავს და როგორც ტოტენჰემის, ისე მანჩესტერ სიტის ვარიანტიც მოსწონს. ხოლო რაც შეეხება ლივერპულს, მერსისაიდელები ნიდერლანდელ ფეხბურთელს მხოლოდ იმ შემთხვევაში შეელევიან თუ დარჩენილ 8 დღეში ორ ვინგერს დაიმატებენ. შეგახსენებთ, ლივერპული პარი სენ-ჟერმენთან მოლაპარაკებებს ამ დრომდე აწარმოებს. "წითლები“ როგორც ბრედლი ბარკოლას, ისე იბრაჰიმ მბაიეს დამატებასაც ცდილობენ. ენფილდის ბინადრები იანკუბა მინტეს დამატებასაც სერიოზულად განიხილავენ.
უახლოეს დღეებში გაკპოს, მინტეს, ბარკოლასა და მბაიეს შესახებ უფრო მეტი დაზუსტებული ინფორმაცია გახდება ცნობილი.
