რამდენიმე დღის წინ დაწყებული მოლაპარაკებები საბოლოო შეთანხმებით დასრულდა, კამილ გრაბარა ვოლფსბურგიდან კარიერას იუვენტუსში გააგრძელებს! 27 წლის პოლონელ მეკარეს ტურინში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
მხარეებს შორის 1-წლიანი საიჯარო ხელშეკრულება გაფორმდება. სეზონის დასრულების შემდეგ იუვენტუსს გრაბარას გამოსყიდვის უფლება ექნება.
შეგახსენებთ, ტურინული გრანდის ახალი პირველი ნომერი გულიელმო ვიკარიო გახდა, რომელიც იუვენტუსმა ტოტენჰემიდან დაიმატა.
