დღეს საქართველოს ეროვნულმა საკალათბურთო ნაკრებმა ისრაელის ნაკრებთან ამხანაგური მატჩი გამართა. დაძაბულ შეხვედრაში ჩვენმა გუნდმა 101:90 გაიმარჯვა.
მატჩის შესახებ საქართველოს ნაკრების კაპიტანმა, თორნიკე შენგელიამ ისაუბრა:
"ძალიან მნიშვნელოვანი თამაში გვქონდა დღეს, დიდი ხანია ამხანაგური მატჩი ჩვენი გულშემატკივრის წინაშე არ გვითამაშია. ჩვენთვის მნიშვნელოვანი იყო პოზიტიურ ტალღაზე დაგვესრულებინა. 2 მნიშვნელოვანი თამაში გველოდება წინ და ეს დადებითი განწყობა უნდა გავიყოლოთ. მთელი შეკრების განმავლობაში პირველად ვითამაშეთ მთელი შემადგენლობით და ეს ფაქტი მნიშვნელოვანია.
ყველა მოთამაშეს მიეცა თავის გამოვლენის შესაძლებლობა და ვფიქრობ თავი კარგად წარმოაჩინეს. იყო ხარვეზები ყველა მოთამაშისგან, რაც გამოსწორებადია, მთავარია პოზიტიური განწყობით ვხვდებით შემდეგ მატჩებს. "
საქართველოს ნაკრები მსოფლიოს ჩემპიონატის მეორე შესარჩევი ჯგუფის მატჩებისთვის ემზადება, 28 აგვისტოს თბილისში მონტენეგროს უმასპინძლებს, 31 აგვისტოს სტუმრად პორტუგალიას ეთამაშება.
