სატრანსფერო ფანჯრის დახურვამდე 1 კვირაა დარჩენილი, მარკუს რაშფორდის, ფერან ტორესისა და რობერტ ლევანდოვსკის წასვლის შემდეგ კი ბარსელონა ფორვარდის გარეშეა.
ლა ლიგის პირველი ტურის მატჩში ნომინალური ფორვარდის პოზიციაზე რაფინია იდგა, დეკუ და ფლიკი კი სხვადასხვა ვარიანტებს განიხილავენ.
"ფორვარდის პოზიცია? - ეს ჩვენთვის პრობლემა არ არის, რადგან კარგი გუნდი გვყავს, მე და დეკუ ამ თემაზე ყოველდღიურად ვსაუბრობთ, სატრანსფერო ფანჯარა კი კვლავ ღიაა", - განაცხადა ფლიკმა.
მთელი ზაფხული აქტიურად იწერებოდა, რომ კატალონიელები ხულიან ალვარესს დაიმატებდნენ, თუმცა მიუხედავად იმისა, რომ არგენტინელს ატლეტიკოსთან პრობლემები აქვს, სიმეონემაც და ხელმძღვანელობამაც დაადასტურა, რომ ხულიანი ბარსელონაში არ გადავა.
მომდევნო ერთ კვირაში ბარსელონა რამდენიმე ფორვარდის დამატებას შეეცდება, სიაშია ვილიარეალის ქართველი შემტევი ჟორჟ მიქაუტაძეც. ჟორჟმა ლა ლიგის ახალი სეზონი ბრწყინვალედ დაიწყო, პირველ მატჩში საგოლე გადაცემა გააკეთა, მეორე მატჩში კი ატლეტიკოს გაუტანა.
ჟორჟის გარდა განიხილება ლაუტარო მარტინესისა და აიოზე პერესის ვარიანტიც, წინააღმდეგ შემთხვევაში, იანვრამდე ბარსას აკადემიის ფორვარდების დაწინაურება მოუწევს.
