გავლენიანი ესპანური გამოცემები საინტერესო ინფორმაციას ავრცელებენ — სამეფო კლუბში ფრანკო მასტანტუონოს მომავალთან დაკავშირებით გადაწყვეტილება უკვე მიღებულია. გავრცელებული ცნობებით, 18 წლის არგენტინელი მიმდინარე სატრანსფერო ფანჯრის პერიოდში გუნდს 99%-იანი ალბათობით დატოვებს და მომდევნო სეზონს ევროპის ერთ-ერთ კლუბში იჯარის წესით გაატარებს.
მადრიდულ კლუბში მიაჩნიათ, რომ მასტანტუონოს რეგულარული სათამაშო პრაქტიკა სჭირდება, რასაც მომდევნო სეზონში ჟოზე მოურინიო ფეხბურთელს ვერ ჰპირდება. რეალ მადრიდში ფიქრობენ, რომ, ისევე როგორც ენდრიკის შემთხვევაში, იჯარით წასვლა არგენტინელ ნახევარმცველს განვითარებაში დაეხმარება, საჭირო გამოცდილებას შესძენს და გუნდში უფრო ძლიერად დაბრუნების შესაძლებლობას მისცემს.
შეგახსენებთ, რომ მასტანტუონომ 2025/26 წლების სეზონში 35 მატჩი ჩაატარა, სადაც 3 გოლი გაიტანა და 1 საგოლე გადაცემა მიითვალა.
სატრანსფერო ფანჯრის გახსნასთან ერთად, მასტანტუონოს მომავალთან დაკავშირებით უფრო მეტი დეტალი გახდება ცნობილი.
