ტრანსფერი დაიხურა, დენზელ დუმფრისი ინტერიდან კარიერას რეალ მადრიდში გააგრძელებს! მხარეებს შორის ყველაფერი შეთანხმებულია — სამეფო კლუბი 30 წლის განაპირა მცველის სანაცვლოდ €20 მილიონს გადაიხდის, თავად დუმფრისი კი მადრიდულ კლუბთან მინიმუმ 3-წლიან კონტრაქტს გააფორმებს.
რამდენიმე საათის წინ, როგორც გაცნობეთ, ჟოზე მოურინიომ ახალი მარჯვენა მცველის დამატება მოითხოვა, სიაში კი რამდენიმე ფეხბურთელი იყო. განიხილებოდა პედრო პოროსა და ივან ფრესნედას კანდიდატურებიც, თუმცა რეალ მადრიდმა არჩევანი მაინც გამოცდილ ფეხბურთელზე შეაჩერა და დუმფრისის ტრანსფერი დახურა.
დენზელ დუმფრისი ინტერის ღირსებას 2021 წლიდან იცავდა. ნიდერლანდელმა ამ პერიოდში 207 მატჩი ჩაატარა, 27 გოლი გაიტანა და 28 საგოლე გადაცემაც მიითვალა.
რეალ მადრიდის შემდეგი სამიზნე იბრაჰიმა კონატეა, რომელმაც ლივერპული თავისუფალი აგენტის სტატუსით დატოვა. მხარეები ტრანსფერის დახურვას უახლოეს დღეებში შეეცდებიან.
