დადასტურებულად — რეალ მადრიდი უახლოეს დღეებში მაიკლ ოლისეს ტრანსფერის თაობაზე პირველ ოფიციალურ შეთავაზებას გააკეთებს! როგორც ფლორენტინო პერესმა განაცხადა, €150 მილიონიანი წინადადება უკვე მზადაა და სამეფო კლუბი ყველაფერს გააკეთებს იმისთვის, რომ ფრანგი ვინგერი დაიმატოს.
მიუხედავად იმისა, რომ ბაიერნს ფეხბურთელის გაყიდვა არ სურს, პერესი მაქსიმალურად შეეცდება, საქმე ბოლომდე მიიყვანოს და 24 წლის ფეხბურთელი მიმდინარე ზაფხულის სატრანსფერო ფანჯრის დროს გაიფორმოს.
შეგახსენებთ, რომ რეალ მადრიდმა დენზელ დუმფრისისა და იბრაჰიმა კონატეს ტრანსფერები უკვე დახურა, თუმცა მადრიდელები ამაზე გაჩერებას არ აპირებენ და ზაფხულის სატრანსფერო ფანჯრის განმავლობაში კიდევ 2-3 ახალი მოთამაშის დამატებას გეგმავენ.
ოლისესა და რეალ მადრიდს შორის შესაძლო ტრანსფერის შესახებ უახლოეს საათებში უფრო მეტი ინფორმაცია გახდება ცნობილი.
