წინასწარი სიტყვიერი შეთანხმება შედგა, პიერ-ემერიკ ობამეიანგი მარსელიდან კარიერას დეპორტივო ლა კორუნიაში გააგრძელებს! გამოცდილ ფორვარდს ახალ კლუბში უკვე ელოდებიან, სადაც მხარეები გარიგების ბოლო დეტალებს შეათანხმებენ, რის შემდეგაც 37 წლის ფეხბურთელი ესპანურ კლუბთან ხელშეკრულებას გააფორმებს.
როგორც იწერება, მარსელი ობამეიანგის სანაცვლოდ დაახლოებით €1.5 მილიონს მიიღებს. იმის მიუხედავად, რომ საქმეში სხვა ევროპული და საუდის კლუბებიც იყვნენ, ყველას დეპორტივომ აჯობა და ტრანსფერიც დაიხურა.
შეგახსენებთ, ობამეიანგს ლა ლიგაში თამაშის გამოცდილება აქვს. გაბონელი ფორვარდი 2022 წელს ბარსელონას ღირსებას იცავდა, რა დროშიც 24 მატჩი ჩაატარა, გაიტანა 13 გოლი და 1 საგოლე გადაცემითაც გამოიჩინა თავი.
