რამდენიმეკვირიანი მოლაპარაკებები საბოლოო შეთანხმებით დასრულდა, მეისონ გრინვუდი მარსელიდან კარიერას ფენერბაჰჩეში გააგრძელებს! 24 წლის ინგლისელ ფეხბურთელს ახალ კლუბში ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ფენერბაჰჩე მეისონ გრინვუდის სანაცვლოდ დაახლოებით €40/45 მილიონს გადაიხდის, თავად ინგლისელი კი თურქულ გრანდთან გრძელვადიან კონტრაქტს გააფორმებს.
იმის მიუხედავად, რომ გრინვუდის დამატებას რომა და ატლეტიკო მადრიდიც ცდილობდნენ, ინგლისელს კარიერის გაგრძელება მხოლოდ ფენერბაჰჩეში სურდა. თურქულმა გრანდმა ახალი, გაუმჯობესებული შეთავაზება რამდენიმე დღის წინ გააკეთა, რაზეც მარსელი საბოლოოდ დათანხმდა და გარიგებაც დაიხურა.
