რამდენიმეკვირიანი მოლაპარაკებები საბოლოო შეთანხმებით დასრულდა, მაგნეს აკლიუში მონაკოდან კარიერას პარი სენ-ჟერმენში გააგრძელებს! მხარეებს შორის ყველაფერი შეთანხმებულია, 24 წლის ფრანგ ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
პარი სენ-ჟერმენი აკლიუშის სანაცვლოდ დაახლოებით €50 მილიონს გადაიხდის, თავად ფეხბურთელი კი 5-წლიან კონტრაქტს გააფორმებს.
მაგნეს აკლიუში მონაკოს აკადემიის აღზრდილია, პირველი გუნდის ღირსებას კი 2022 წლიდან იცავდა. ფრანგმა ფეხბურთელმა ამ დროში 139 მატჩის ჩატარება მოასწრო, გაიტანა 23 გოლი და 28 საგოლე გადაცემითაც გამოიჩინა თავი.
თუ ბოლო მომენტში რაიმე გაუთვალისწინებელი არ მოხდა, პარი სენ-ჟერმენი აკლიუშის ტრანსფერს უახლოეს დღეებში ოფიციალურად დაადასტურებს.
