ბოლო საათების განმავლობაში ბრედლი ბარკოლას გარშემო საუბრები არ წყდება. მას შემდეგ, რაც გაირკვა, რომ ფეხბურთელი პარი სენ-ჟერმენთან ახალ კონტრაქტს არ გააფორმებდა, გავლენიანმა გამოცემებმა ახალი ინფორმაცია გაავრცელეს — ფრანგი ფეხბურთელის მთავარი სურვილი კარიერის ლივერპულში გაგრძელებაა და ამ გადაწყვეტილების შესახებ მან პარიზულ კლუბს უკვე აცნობა.
ამ ეტაპზე შეთანხმება არც სატრანსფერო თანხაზე და არც ფეხბურთელის პირად პირობებზე არსებობს, თუმცა ლივერპულში დარწმუნებულნი არიან, რომ ბარკოლას ტრანსფერის განხორციელებას შეძლებენ. გავრცელებული ინფორმაციით, უახლოეს დღეებში ფრანგი ფეხბურთელის წარმომადგენლებთან მოლაპარაკებების ახალი რაუნდი გაიმართება, რის შემდეგაც გარიგებასთან დაკავშირებით მეტი დეტალი გახდება ცნობილი.
რაც შეეხება პარი სენ-ჟერმენის პოზიციას, პარიზული კლუბი ბარკოლას დაახლოებით €170 მილიონად აფასებს, თუმცა დიდი შანსია, რომ ფრანგი ვინგერი ამ თანხაზე მნიშვნელოვნად ნაკლებ ფასად გაიყიდოს. ამ ეტაპზე ფრანგი ფეხბურთელის დამატებას სხვა კლუბები აქტიურად არ განიხილავენ და გარიგების მთავარი ფავორიტი სწორედ მერსისაიდული კლუბია.
