რამდენიმედღიანი მოლაპარაკებები საბოლოო შეთანხმებით დასრულდა, ანდრეი სანტოსი ჩელსიდან კარიერას მანჩესტერ იუნაიტედში გააგრძელებს! მხარეებს შორის ყველაფერი შეთანხმებულია, 22 წლის ბრაზილიელ ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
მანჩესტერ იუნაიტედი ანდრეი სანტოსის სანაცვლოდ დაახლოებით £50 მილიონს გადაიხდის.
ანდრეი სანტოსი ჩელსის ღირსებას 2023 წლიდან მოყოლებული იცავდა. ბრაზილიელმა ამ დროში 47 მატჩი ჩაატარა, გაიტანა 3 გოლი და 5 საგოლე გადაცემითაც გამოიჩინა თავი.
მას შემდეგ, რაც ჩაბი ალონსომ ჩელსი ჩაიბარა, დადასტურდა, რომ ახალგაზრდა ფეხბურთელი ესპანელი სპეციალისტის გეგმებში არ შედიოდა, შესაბამისად, ლონდონურმა კლუბმა სანტოსის ტრანსფერს მწვანე შუქი მარტივად აუნთო. შემდეგ საქმეში მანჩესტერ იუნაიტედი ჩაერთო და გარიგებაც დაიხურა.
