დადასტურებულად — რეალ მადრიდი ნიკო პასს უკან დაიბრუნებს! სამეფო კლუბი უახლოეს საათებში ე.წ. უკან დაბრუნების უფლებას (buy-back) გაააქტიურებს, რის შემდეგაც 21 წლის არგენტინელი ფეხბურთელი კომოდან მადრიდულ კლუბში დაბრუნდება. თუმცა, თუ აქამდე რეალი პასის შენარჩუნებას გეგმავდა, ახლა სიტუაცია თავიდან ბოლომდე შეიცვალა.
როგორც ცნობილი ხდება, ნიკო პასი ჟოზე მოურინიოს გეგმებში არ შედის და რეალ მადრიდი არგენტინელის გასხვისებას მიმდინარე სატრანსფერო ფანჯრის დროს შეეცდება. ეს ინფორმაცია კომოშიც უკვე აქვთ და იტალიელები ფეხბურთელის დაბრუნებას კიდევ ერთხელ შეეცდებიან.
რეალ მადრიდი ახალგაზრდა ფეხბურთელს დაახლოებით €75/80 მილიონად აფასებს, თუმცა კომოსთვის პასის სატრანსფერო ღირებულება €60 მილიონი იქნება. იტალიურ კლუბს დრო ორშაბათამდე აქვს, ამის შემდეგ კი რეალი უკვე სხვა კლუბების წინადადებებს დაელოდება.
როგორც იწერება, ნიკო პასის სიტუაციას არაერთი ტოპ კლუბი ყურადღებით აკვირდება. საქმეში არიან ინტერი, ჩელსი, ტოტენჰემი და არსენალი, თუმცა მოსალოდნელია სხვა კლუბების გააქტიურებაც. უახლოეს დღეებში ახალგაზრდა არგენტინელის შესახებ კიდევ უფრო მეტი დაზუსტებული ინფორმაცია გახდება ცნობილი.
