რამდენიმედღიანი მოლაპარაკებები საბოლოო შეთანხმებით დასრულდა, ივან პროვედელი ლაციოდან კარიერას ინტერში გააგრძელებს. გამოცდილ იტალიელ მეკარეს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. "ნერაძური" 32 წლის ფეხბურთელის სანაცვლოდ €3 მილიონს გადაიხდის.
მას შემდეგ, რაც იან ზომერის ინტერიდან წასვლა გადაწყდა, კლუბის უფროსობამ ჯოსეფ მარტინესს სრული ნდობა გამოუცხადა და სწორედ ის გახდება მილანური გრანდის პირველი ნომერი. ხოლო რაც შეეხება ივან პროვედელს, იტალიელი ახალი მეორე ნომერი იქნება და როტაციაში ითამაშებს.
