დადასტურებულად — ინტერი უმარ სოლეტს პირადი კონტრაქტის პირობებზე შეუთანხმდა! რამდენიმე დღის წინ 26 წლის ფეხბურთელის აგენტთან დაწყებული მოლაპარაკებები წარმატებით დასრულდა და მხარეებს შორის საბოლოო შეთანხმება შედგა. ახლა კი "ნერაძური“ უდინეზესთან სატრანსფერო თანხის შეთანხმებაზე მუშაობს.
იტალიური პრესის ინფორმაციით, უდინეზე ფრანგი მცველის სანაცვლოდ დაახლოებით €30 მილიონს ითხოვს, მაშინ როცა ინტერი ამ ეტაპზე მხოლოდ €15-17 მილიონის გადახდისთვისაა მზად. მიუხედავად ამისა, მხარეები მოლაპარაკებებს აგრძელებენ და საკმაოდ დიდი შანსია, რომ კლუბებმა საბოლოო შეთანხმებას მიაღწიონ.
ინტერის სიაში სხვა მცველებიც არიან, რაც იმას ნიშნავს, რომ უახლოეს კვირებში მილანური გრანდის სატრანსფერო გეგმების შესახებ კიდევ უფრო მეტი ინფორმაცია გახდება ცნობილი.
