7 მედალი ინდივიდუალურ ასპარეზობაში, - ასეთი შედეგი დააფიქსირა საქართველოს პარაძიუდოს ნაკრებმა ჰაიდელბერგში მიმდინარე ევროპის ჩემპიონატზე.
გუნდურ ჩათვლაში საქართველო 3 ოქროს, 2 ვერცხლის 2 ბრინჯაოსა და ჯამში შვიდი მედლით ევროპის ჩემპიონატზე პირველ ადგილზეა.
გერმანიაში დღეს გუნდური ასპარეზობა გაიმართება, სადაც ჩვენი ნაკრები ტიტულის დასაცავად იბრძოლებს.
ევროპის ჩემპიონები საბა ბაღდავაძე (J1 -81კგ.), ლევან გუგავა (J2 -81კგ.) და რევაზ ჩიკოიძე (J2 +95კგ) გახდნენ. ვერცხლის მედლები გიორგი გამჯაშვილმა (J2 -70კგ.) და ზვიად გოგოჭურმა (J2 +95კგ.) მოიპოვეს. ბრინჯაოს პრიზიორები კი ზურაბ ზურაბიანი (J2 - 70კგ.) და ინა ქალდანი (J2 +70კგ.) გახდნენ.
