გერმანიაში გამართულ ევროპის ჩემპიონატზე საქართველოს პარაძიუდოისტთა ნაკრემა გუნდურ პირველობაში ზედიზედ მეორედ, იზეიმა ჩემპიონობა.
ჩვენმა გუნდმა საფრანგეთს, ესპანეთსა და მოლდოვის ნაკრებები ერთნაირი ანგარიშით 4:1 დაამარცხა, ნეიტრალური დროშით მოასპარეზე რუსეთის ნაკრებს კი მშრალი ანგარიშით 4:0 სძლია და ევროპის ჩემპიონის ტიტულს ზედიზედ მეორედ დაეუფლა.
ჩვენმა ნაკრებმა შემდეგი შემადგენლობით იასპარეზა:
უსინათლოთა შორის (J1): საბა ბაღდავაძე, გიორგი გამჯაშვილი, გიორგი ბერიძე;
მცირემხედველთა შორის (J2): ზვიად გოგოჭური, ლევან გუგავა, ზურაბ ზურაბიანი.
ქართველმა პარაძიუდოისტებმა წელს ევროპირველობაზე ინდივიდუალურ ასპარეზობაში7 მედალიმოიპოვეს.
გუნდურ ჩათვლაში საქართველო 3 ოქროს, 2 ვერცხლის 2 ბრინჯაოსა და ჯამში შვიდი მედლით ევროპის ჩემპიონატზე პირველი ადგილზე გავიდა.
ევროპის ჩემპიონები საბა ბაღდავაძე (J1 -81კგ.), ლევან გუგავა (J2 -81კგ.) და რევაზ ჩიკოიძე (J2 +95კგ) გახდნენ. ვერცხლის მედლები გიორგი გამჯაშვილმა (J2 -70კგ.) და ზვიად გოგოჭურმა (J2 +95კგ.) მოიპოვეს. ბრინჯაოს პრიზიორები კი ზურაბ ზურაბიანი (J2 - 70კგ.) და ინა ქალდანი (J2 +70კგ.) გახდნენ.
