რაფაელ ლეაუმ SportTV-სთან საუბარში მილანიდან წასვლა დააანონსა:
"ვფიქრობ, მილანს ყველაფერი მივეცი, რაც შემეძლო. ეს არის კლუბი, რომელიც ძალიან დამეხმარა განვითარებაში და რთულ მომენტებში ყოველთვის მხარს მიჭერდა.
ბედნიერი ვარ, რომ შევძელი ჩემი სახელის კლუბის ისტორიაში ჩაწერა. ყველას აქვს საკუთარი ოცნებები, გამოწვევები, სურვილები და მიზნები, რომელთა მიღწევაც სურს. მეც მინდა ახალი გამოწვევა ვცადო, ახალ ჩემპიონატში და ახალ გარემოში.“
როგორც ჩანს, პორტუგალიელის მილანური ისტორია სრულდება და 26 წლის ფეხბურთელი ახალ სეზონს, ახალ გუნდში დაიწყებს.
რაფაელ ლეაუ "როსონერის" ღირსებას 2019 წლიდან მოყოლებული იცავდა. პორტუგალიელმა ამ დროში 291 მატჩის ჩატარება მოასწრო, გაიტანა 80 გოლი და 65 საგოლე გადაცემითაც გამოიჩინა თავი.
