მილანში მომდევნო სეზონისთვის აქტიურად ემზადებიან. მას შემდეგ, რაც რუბენ ამორიმმა მილანი ჩაიბარა, კლუბმა სარეკორდო ტრანსფერი განახორციელა და პარი სენ-ჟერმენიდან გონსალუ რამუში დაიმატა, თუმცა მილანელები ამაზე გაჩერებას არ აპირებენ. კლუბთან დაახლოებული წყაროების ინფორმაციით, ლომბარდიული გრანდი მიმდინარე სატრანსფერო ფანჯარაზე კიდევ 6 ახალ მოთამაშეს დაიმატებს.
რუბენ ამორიმის მოთხოვნები ცნობილია:
- ორი ცენტრალური მცველი
- ერთი მარცხენა მცველი/ვინგ-ბექი
- ორი შემტევი ნახევარმცველი/ათიანი
- ახალი ფორვარდი
რაც შეეხება წამსვლელებს, ცნობილია იმ ფეხბურთელების ვინაობა, რომლებიც პორტუგალიელი სპეციალისტის გეგმებში არ შედიან და ახალ სეზონს ახალ გუნდებში დაიწყებენ: ფიკაიო ტომორი, პერვის ესტუპინიანი, რუბენ ლოფტუს-ჩიკი, იუსუფ ფოფანა, ვარენ ბონდო, კევინ ძეროლი, ისმაელ ბენასერი, სამუელ ჩუკვუეზე და სანტიაგო ხიმენესი — თუ ბოლო მომენტში რაიმე გაუთვალისწინებელი არ მოხდა, ეს მოთამაშეები ზაფხულში მილანს დატოვებენ.
რაც შეეხება რაფაელ ლეაუს, პორტუგალიელს მილანის დატოვება სურს, რაც იმას ნიშნავს, რომ მუნდიალის დასრულების შემდეგ 27 წლის ვინგერის შესახებ უფრო მეტი ინფორმაცია გახდება ცნობილი. "როსონერი" გუნდის ათიანს დაახლოებით €60 მილიონად აფასებს, მის მიმართ ინტერესს კი არაერთი კლუბი უკვე იჩენს.
