La Gazzetta dello Sport საკმაოდ ხმაურიან ინფორმაციას ავრცელებს — როგორც ცნობილი ხდება, მილანი ვირჯილ ვან დაიკის დამატებით ინტერესდება! გამოცდილი ნიდერლანდელი მცველის ტრანსფერი პირადად ზლატან იბრაჰიმოვიჩის იდეაა და გამოცემის ინფორმაციით, შვედმა ამის შესახებ კლუბის მფლობელ ჯერი კარდინალესთან უკვე ისაუბრა.
ამავე წყაროს ცნობით, 34 წლის ფეხბურთელის ტრანსფერის განხორციელება ძალიან რთული იქნება, რადგან ლივერპულს კაპიტნის შენარჩუნება სურს. მიუხედავად ამისა, მილანი ვან დაიკის წარმომადგენლებთან მოლაპარაკებების დაწყებას მაინც გეგმავს, რათა გაირკვეს, რამდენად რეალურია ამ ტრანსფერის განხორციელება და რა შანსები ექნება "როსონერის“.
შეგახსენებთ, რომ მილანმა გონსალუ რამუში ოფიციალურად უკვე წარადგინა, თუმცა ლომბარდიული გრანდი ამაზე გაჩერებას არ აპირებს. კლუბთან დაახლოებული წყაროების ინფორმაციით, "როსონერი“ მიმდინარე სატრანსფერო ფანჯრის განმავლობაში კიდევ 6-7 ფეხბურთელის დამატებას გეგმავს.
