ოქტომბრის თვეში, ერთა ლიგის მატჩი ფინეთისა და ინგლისის ეროვნულ ნაკრებებს შორის, გიორგი ყრუაშვილმა განსაჯა, რომელსაც ასისტენტობა ლევან ვარამიშვილმა და ზაზა ფიფიამ გაუწიეს, მეოთხე მსაჯი გიორგი ავაზაშვილი გახლდათ, ხოლო VAR-ის ოთახში ალეკო აფციაურმა იმუშავა. ფინეთის დედაქალაქის, ჰელსინკის ოლიმპიურ სტადიონზე, რომლის ტევადობაც 36 200-ია, შეხვედრა ინგლისის გამარჯვებით, ანგარიშით - 1:3 დასრულდა.
აღნიშნული მატჩიდან დაახლოებით 1 კვირაში, ისტორიაში პირველად, ქართველი მსაჯები ჩემპიონთა ლიგის ძირითადი ეტაპის - გრაცის შტურმსა და ლისაბონის სპორტინგის მატჩს მოემსახურნენ.
სამშობლოში დაბრუნების შემდეგ, LaGazzetta.ge გიორგი ყრუაშვილს დაუკავშირდა და წარმატება მიულოცა:
“წლების წინ, ჩემპიონთა ლიგაზე მსაჯობის მოლოდინი არ მქონია, რადგან აქამდე მოსასვლელად, გარკვეული ეტაპები მქონდა გასავლელი. ფინეთი - ინგლისის შემდეგ მივხვდი, რომ ჩემპიონთა ლიგაზე არბიტრობა ახლოს იყო და როცა მატჩის შესახებ ინფორმაცია მივიღე, აღარ გამკვირვებია. ამ სანაკრებო შეხვედრის შემდეგ, გარკვეული მოლოდინი უკვე არსებობდა და ასეც უნდა მომხდარიყო, რადგან დრო უკვე ნამდვილად იყო.
რა თქმა უნდა, ამ დონემდე მოსვლა მარტივი არ არის. UEFA-ს სამი კლასიფიკაცია აქვს და ამ კლასიფიკაციაში უნდა დაწინაურდე, რათა ჩემპიონთა ლიგის ან სხვა პრესტიჟული ტურნირების მატჩის განსჯა მოგანდონ.
ჩემპიონთა ლიგაზე მსაჯობა გამორჩეულ გრძნობას ტოვებს. განსაკუთრებით დასამახსოვრებელი ის მომენტია, როცა ფეხბურთელების გვერდით ჩემპიონთა ლიგის ჰიმნს ვისმენდი. ტანში ჟრუანტელმა გამიარა და ვფიქრობ, რომ ყოველ ჯერზე, როდესაც ამ ჰიმნს მოვისმენ, იდენტური გრძნობა მექნება”.
38 წლის, უკვე კარგად გამოცდილი ქართველი არბიტრი LaGazzetta.ge-სთან ამბობს, რომ მატჩების წინ მხოლოდ ერთი ფიქრი უტრიალებს - იყოს სამართლიანი და მისმა გადაწყვეტილებებმა გუნდები არ აზარალოს:
“ყველა მატჩის წინ ზუსტად ისევე ვემზადები, როგორც ამას ფეხბურთელები აკეთებენ: იქნება ეს მენტალური თუ ფიზიკური მზაობა. ძლიერი უნდა იყო, რომ მატჩის შესაბამის სისწრაფეს და მოთხოვნებს არ ჩამორჩე. ყველა შეხვედრის წინ საფიქრალი ისაა, რომ გადაწყვეტილებები მაქსიმალურად სამართლიანი იყოს, რომ ამ გადაწყვეტილებებით რომელიმე გუნდი არ დაზარალდეს.
ვფიქრობ, რომ საბედნიეროდ, მსაჯებთან დაკავშირებით გულშემატკივარში ცნობიერება ამაღლდა. წლებია, მსოფლიოში და უკვე ჩვენთანაც, VAR-ის სისტემა დაინერგა და როდესაც მსაჯი უხეშ შეცდომას უშვებს, ამ შეცდომის გამოსწორების შანსი რჩება.
გულშემატკივრის მხრიდან კრიტიკა ბუნებრივია და როდესაც პროფესიონალი ხარ, ეს ყველაფერი გულთან არ უნდა მიიტანო. რაც შეეხება მოტივაციას, როგორც საერთაშორისო დონეზე, ისე ჩვენს ჩემპიონატში, ძალიან ბევრი მაღალი დონის არბიტრია, რაც ჯანსაღ კონკურენციას ქმნის. ამიტომ, სულ წინ უნდა იარო და მიზანს მიუახლოვდე”.
კითხვაზე: პრესტიჟულ სანაკრებო ტურნირზე (2024 წლის ევროპის ჩემპიონატზე) საქართველოს ეროვნული ნაკრების მიერ დატოვებული კვალი ქართველ არბიტრებს წინსვლაში თუ დაეხმარება, გვპასუხობს, რომ ფეხბურთელების მიერ გაწეული შრომა უკვალოდ ნამდვილად არ ჩაივლის:
“როდესაც ასეთ მასშტაბურ ტურნირზე, ასეთი პატარა ქვეყანა ასეთ შედეგს დებს და ყველას ასეთი კარგი თამაშით ამახსოვრებს თავს, რა თქმა უნდა, UEFA-სა და FIFA-ში ეს ყველაფერი შეუმჩნეველი არ რჩება: თუ ნაკრებში კარგი ფეხბურთელები არიან, ე.ი. შესაძლოა, ამ ქვეყანაში კარგი მსაჯებიც იყვნენ.
ჯერჯერობით, საწყის ეტაპზე მთავარი მიზანია თავის დამკვიდრება ისეთ პრესტიჟულ ტურნირებზე, როგორებიცაა: ჩემპიონთა ლიგა, ევროპა ლიგა და კონფერენს ლიგაა. გვინდა, ჩვენი სიტყვა ვთქვათ და ყველას დავუმტკიცოთ, რომ საქმის კეთება ისევე შეგვიძლია, როგორც ამას სხვა, ევროპელი არბიტრები აკეთებენ”.
ქართველ არბიტრს სანაკრებო მატჩების გარდა სხვადასხვა პრესტიჟულ საკლუბო ტურნირზე უმსაჯია, მათ შორის: ჩემპიონთა ლიგაზე, ევროპა ლიგაზე, კონფერენს ლიგასა და ახალგაზრდულ ჩემპიონთა ლიგაზე.
გიორგი ყრუაშვილი სამსაჯო კლასიფიკაციაში 2021 წელს დაწინაურდა და FIFA-ს პირველი კატეგორიის არბიტრებს შეუერთდა, რამაც მას უფლება მისცა უმაღლესი დონის საფეხბურთო მატჩებზე ემუშავა.
გიორგი ყრუაშვილი ქართული ფეხბურთის ისტორიაში პირველი არბიტრია, რომელმაც FIFA-ს სამსაჯო კლასიფიკაციაში აღნიშნულ დონეს მიაღწია.
30 მაისს გასამართი ჩემპიონთა ლიგის ფინალის წინ, სადაც პსჟ არსენალს დაუპირისპირდება, უეფას კითხვებს პარიზელთა ქართველმა შემტევმა ხვიჩა კვარაცხელიამ უპასუხა. ხვიჩა, ბაიერნთან შენი თამაში ყველამ დადებითად შეაფასა და ამბობენ, რომ უმაღლეს დონეზე ჩაატარე, თუმცა რა კომპონენტის გაუმჯობეს…
საქართველოს 21-წლამდე ნაკრები, ივნისში, 2 ამხანაგურ მატჩს გამართავს. 5 ივნისს, ჩვენი გუნდი ბულგარეთის ქალაქ ბლაგოევგრადში აშშ-ს დაუპირისპირდება, ხოლო 9 ივნისს ნისპორენში მოლდოვას შეხვდება. რამაზ სვანაძემ, აღნიშნული მატჩებისთვის 23 ფეხბურთელი გამოიძახა. მათ შორის - რატი გრიგალავა,…
დასრულდა სეზონი ევროპის ტოპ ხუთ ლიგაში და ვილიარეალის თავდამსხმელი, გიორგი მიქაუტაძე ერთი საინტერესო მიღწევით გამოირჩა. პრიმერა დივიზიონის დებიუტანტ მოთამაშეებს შორის, ქართველმა ფორვარდმა შეაგდო ყველაზე მეტი, 13 ბურთი. შეგახსენებთ, ახალგაზრდა გოლეადორმა სეზონი მადრიდის ატლეტიკოს…
ეროვნული ლიგის მე-15 ტურის ცენტრალური შეხვედრა "დინამო არენაზე" შედგა, სადაც დინამო თბილისი ქუთაისის ტორპედოს დაუპირისპირდა. ამ მატჩს თან დიდი ინტრიგა ახლდა, რადგან ორივე გუნდს ხანგრძლივი წაუგებელი სერია ჰქონდა. პირველი ნახევარი ორივე გუნდის გარდამავალი უპირატესობით მიმდინარეობდა…
ქართულ ელ კლასიკოდ წოდებული მატჩი დინამო თბილისსა და ქუთაისის ტორპედოს შორის, ყოველთვის დიდ ინტერესს იწვევდა ხოლმე, წელს კი ამ დაპირისპირებას განსაკუთრებით დიდი ინტერესი და მოლოდინი აქვს. ეს იქიდან გამომდინარეობს, რომ ორივე გუნდი კარგ ფორმაშია, წაუგებელი სერია აქვთ და ჩემპიონობის…
საქართველოს ნაკრების მთავარმა მწვრთნელმა ვილი სანიოლმა პსჟ-ს ქართველ შემტევზე, ხვიჩა კვარაცხელიაზე ისაუბრა. " ბაიერნთან მოგებული მატჩის შემდეგ, ხვიჩას ვესაუბრე. შევთანხმდით, რომ რუმინეთთან მისი თამაში გამორიცხული იქნება. მას ნაკრებთან ყოფნა ძალიან უნდოდა და ბაჰრეინთან მატჩში მოვი…
2 და 5 ივნისს, საქართველოს ნაკრები რუმინეთის და ბაჰრეინის წინააღმდეგ ამხანაგურ მატჩებს გამართავს. მოახლოვებული მატჩების წინ ვილი სანიოლმა პრესკონფერენცია გამართა. დებიუტანტი ნაკრებში "იეგოიანმა ნიდერლანდებში სტაბილური სეზონი ჩაატარა. მას დიდი ხანია ეროვნული ნაკრების კანდიდატად მი…