ხოსე ალვარესი - El Chiringuito TV-ს ინსაიდერი, ვინც სულ რაღაც რამდენიმე თვეში დაცინვის ობიექტად იქცა. საქმე ისაა, რომ მაისის დასაწყისში ესპანელმა ჟურნალისტმა ჩართო პირდაპირი ტრანსლაცია, რომელზეც ბარსელონას სატრანსფერო გეგმებზე ისაუბრა. მან ივარაუდა, რომ ბერნარდუ სილვა, დენზელ დუმფრისი, მარკ კუკურეია და იან დიომანდე სწორედ კატალონიაში გადავიდოდნენ.
რა მოცემულობა გვაქვს დღეს? ამ ოთხეულიდან სამი ფეხბურთელი გადავიდა მადრიდის რეალში და ძალიან მალე მათ მეოთხეც შეუერთდება. ყველაფერი დაიწყო ხულიან ალვარესის შესაძლო ტრანსფერით, მაგრამ როგორც ვხედავთ, "ბლაუგრანაში" არც ის გადასულა.El Chiringuito TV-ს ჟურნალისტის სრული კომენტარი იყო ასეთი:
"მარწმუნებენ, რომ ბარსელონა ზაფხულის სატრანსფერო ფანჯრის პერიოდში რამდენიმე ფეხბურთელს გაიფორმებს. თავდასხმის მარცხენა ფლანგზე ყველაზე სასურველი ვარიანტი არის ალვარესი, მაგრამ სიაში ასევე დიომანდეს გვარიც ფიგურირებს. კატალონიაში გადასვლის კიდევ ერთი კანდიდატი ბერნარდუცაა.
სილვას აქვს სხვა ვარიანტებიც, თუმცა თავად ის "ბლაუგრანას" წინადადებას ელოდება. რაც შეეხება დაცვას, კუნდეს გაყიდვის შემთხვევაში, მის შემცვლელად შეიძლება დუმფრისი მოვიდეს. მისი კლაუსულა სულ რაღაც 25 მილიონს შეადგენს. ბალდეს წასვლა კი კუკურეიას კამპ ნოუზე დაბრუნების ალბათობას ზრდის", - აცხადებდა ალვარესი.
🔵🔴 LOS 4 NOMBRES que GUSTAN en el BARÇA si hay salidas:
— El Chiringuito TV (@elchiringuitotv) May 1, 2026
👉 Diomande. Bernardo Silva, Dumfries y Cucurella 👈
ℹ️ Información de @10JoseAlvarez en #ChiringuitoBarcelona. pic.twitter.com/s6e6IFF0Tb
