ხულიან ალვარესის გარშემო საუბრები არ წყდება და ყველა მხარე მუნდიალის დასრულების მოლოდინშია. როგორც მოგეხსენებათ, არგენტინელი ფორვარდის ტრანსფერზე ბარსელონა ამ დრომდე მუშაობს, თუმცა კატალონიელები 26 წლის ფეხბურთელის გაფორმებასთან ახლოს ნამდვილად არ არიან.
ატლეტიკოს პოზიცია ნათელია — მათ ალვარესის გაყიდვა არ სურთ, თუმცა რამდენ ხანს შეძლებენ ამ პოზიციის შენარჩუნებას, უცნობია. ალვარესმა უკვე არაერთხელ გამოთქვა სურვილი, რომ კარიერის გაგრძელება მხოლოდ ბარსელონაში სურს და იმედოვნებს, რომ მხარეები შეთანხმებას რაც შეიძლება მალე მიაღწევენ. თუმცა, როგორც ზემოთ დავწერეთ, ეს მარტივი ნამდვილად არ იქნება.
ამასობაში საქმეში კიდევ ერთი კლუბი ჩაერთო, კერძოდ არსენალი. დადასტურებულად შეგვიძლია ვთქვათ, რომ ლონდონური კლუბის ხელმძღვანელობა როგორც ატლეტიკო მადრიდს, ისე ხულიან ალვარესის აგენტსაც დაუკავშირდა, სადაც პოტენციურ ტრანსფერზე გაიმართა საუბარი. ამ ეტაპზე მხოლოდ არსენალის ინტერესზე შეგვიძლია საუბარი, თუმცა თუ არგენტინელის ბარსელონაში ტრანსფერი გამოირიცხება, მიკელ არტეტას გუნდი ყველაფერს გააკეთებს, რათა ალვარესი დაიმატოს.
რაც შეეხება პარი სენ-ჟერმენს, როგორც ცნობილი ხდება, ფრანგები საქმეში აღარ არიან და ლუიშ კამპუში სხვა სამიზნეებზეა გადართული. შეგახსენებთ, პსჟ ფერან ტორესის, მაგნე აკლიუშისა და იან დიომანდეს ტრანსფერებზე ამ დრომდე მუშაობს.
