შეთანხმება შედგა, ლეანდრო ტროსარი არსენალიდან კარიერას ბეშიქთაშში გააგრძელებს! გამოცდილ ბელგიელ ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ბეშიქთაში 31 წლის ფეხბურთელის სანაცვლოდ დაახლოებით€20 მილიონს გადაიხდის, ხოლო თავად ბელგიელი "არწივებთან" 3-წლიან კონტრაქტს გააფორმებს.
ლეანდრო ტროსარი არსენალის ღირსებას 2023 წლიდან იცავდა. ბელგიელმა ამ დროში 174 მატჩის ჩატარება მოასწრო, გაიტანა 36 გოლი და 34 საგოლე გადაცემითაც გამოიჩინა თავი. თუ ბოლო მომენტში რაიმე გაუთვალისწინებელი არ მოხდა, ბეშიქთაში ტროსარის ტრანსფერს უახლოეს დღეებში ოფიციალურად დაადასტურებს.
