რამდენიმე დღის წინ დაწყებული მოლაპარაკებები საბოლოო შეთანხმებით დასრულდა, კარიმ ადეიემი დორტმუნდიდან კარიერას ბარსელონაში გააგრძელებს! მხარეებს შორის ყველაფერი შეთანხმებულია, 24 წლის გერმანელს ახალ კლუბში ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ბარსელონა კარიმ ადეიემის სანაცვლოდ €22 მილიონს გადაიხდის, რასაც შემდგომში შესაძლოა ბონუსების სახით €7 მილიონი კიდევ დაემატოს.
კარიმ ადეიემი დორტმუნდის ღირსებას 2022 წლიდან მოყოლებული იცავდა. გერმანელმა შემტევმა ფეხბურთელმა ამ დროში 146 მატჩის ჩატარება მოასწრო, გაიტანა 36 გოლი და 25 საგოლე გადაცემითაც გამოიჩინა თავი.
