შეთანხმება შედგა, საბა საზონოვი ტორინოდან კარიერას ხეტაფეში გააგრძელებს! 24 წლის ფეხბურთელმა ახალ კლუბში სამედიცინო შემოწმება უკვე გაიარა, კონტრაქტს ხელს კი უახლოეს საათებში მოაწერს.
ხეტაფე ქართველ ფეხბურთელს თავისუფალი აგენტის სტატუსით დაიმატებს. მხარეებს შორის 1+1 წლიანი ხელშეკრულება გაფორმდება.
შეგახსენებთ, ხეტაფე საზონოვის დამატებას გასულ ზაფხულსაც ცდილობდა, თუმცა გარიგება ბოლო მომენტში ჩაიშალა.
თუ ბოლო მომენტში რაიმე გაუთვალისწინებელი არ მოხდა, ესპანური კლუბი ქართველი ფეხბურთელის ტრანსფერს უახლოეს საათებში ოფიციალურად დაადასტურებს.
