რამდენიმე საათის წინ დაწყებული მოლაპარაკებები საბოლოო შეთანხმებით დასრულდა, კარლოს ესპი ლევანტედან კარიერას რეალ მადრიდიში გააგრძელებს! ახალგაზრდა ფორვარდს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
სამეფო კლუბმა კარლოს ესპის კონტრაქტში არსებული €25 მილიონიანი გამოსასყიდი პუნქტი გაააქტიურა, რის შემდეგაც ტრანსფერი საბოლოოდ დაიხურა.
მას შემდეგ, რაც გონსალო გარსიამ რეალი დატოვა, ჟოზე მოურინიომ ახალი ფორვარდის დამატება მოითხოვა. მადრიდელები რამდენიმე კანდიდატურას განიხილავდნენ, თუმცა საბოლოოდ სამეფო კლუბის სკაუტებმა რეკომენდაცია ლევანტეს თავდამსხმელ კარლოს ესპის გაუწიეს, ხოლო ფლორენტინო პერესმა ტრანსფერი რამდენიმე საათში დახურა.
კარლოს ესპი ლევანტეს აკადემიის აღზრდილია, პირველი გუნდის ღირსებას კი 2024 წლიდან იცავდა. ამ პერიოდში ესპანელმა 66 შეხვედრაში მიიღო მონაწილეობა, 20 გოლი გაიტანა და 2 საგოლე გადაცემაც მიითვალა.
