დადასტურებულად — კომო ნიკო პასს €60 მილიონად გამოისყიდის, რაც იმას ნიშნავს, რომ არგენტინელი ნახევარმცველი კარიერას კვლავ სერია A-ში გააგრძელებს.
მას შემდეგ, რაც რეალ მადრიდმა ნიკო პასის ე.წ. უკან დაბრუნების უფლება (Buy-Back) გააქტიურა, კომომ ფეხბურთელის სრულფასოვან ტრანსფერზე მუშაობა დაიწყო და როგორც ჩანს, შეთანხმება საბოლოოდ შედგა. ამ პროცესში მნიშვნელოვანი როლი თავად ნიკო პასმაც ითამაშა, რადგან მას კარიერის გაგრძელება მხოლოდ კომოში სურდა.
აღსანიშნავია, რომ რეალ მადრიდს ფეხბურთელზე კონტროლი სრულად არ დაუკარგავს. შეთანხმების მიხედვით, სამეფო კლუბს ნიკო პასის უკან დაბრუნების უფლება (Buy-Back) მომდევნო წლებშიც შეუნარჩუნდება. როგორც იწერება, კონტრაქტში ჩაიწერა პუნქტი, რის მიხედვითაც თუ მადრიდელები €80 მილიონს გადაიხდიან, ისინი არგენტინელს დაიბრუნებენ.
