რამდენიმეკვირიანი მოლაპარაკებები საბოლოო შეთანხმებით დასრულდა — ენდი რობერტსონი ლივერპულიდან კარიერას ტოტენჰემში გააგრძელებს! გამოცდილ შოტლანდიელ ფეხბურთელს ახალ კლუბში უკვე ელოდებიან, სადაც ის სამედიცინო შემოწმებას გაივლის და კონტრაქტს ოფიციალურად მოაწერს ხელს. ტოტენჰემი 32 წლის განაპირა მცველს თავისუფალი აგენტის სტატუსით დაიმატებს.
ლივერპული და ენდი რობერტსონი ახალი კონტრაქტის გაფორმებას, რომ არ აპირებდნენ, ეს ამბავი რამდენიმე თვის წინ გახდა ცნობილი, სწორედ ამიტომ ლონდონურმა კლუბმა მისი დამატების საკითხზე აქტიური მუშაობა მიმდინარე წლის დასაწყისში დაიწყო. უფრო მეტიც, არსებობდა შანსი, რომ ტრანსფერი იანვარშიც განხორციელებულიყო, თუმცა მაშინ არნე სლოტმა ეს გარიგება დაბლოკა.
მას შემდეგ, რაც ტოტენჰემი პრემიერ ლიგაში დარჩა, ლონდონელებმა შემადგენლობის გაძლიერებაზე მუშაობა დაუყოვნებლივ განაახლეს. ბრიტანული პრესის ცნობით, შემდეგი ფეხბურთელი, რომელსაც "დეზები" დიდი ალბათობით დაიმატებენ, მარკოს სენესიაა, რომელმაც ბორნმუთი ასევე თავისუფალი აგენტის სტატუსით დატოვა.
