ტრანსფერი დროის საკითხია — გიორგი ჩაკვეტაძე უოტფორდიდან კარიერას უდინეზეში გააგრძელებს. კლუბთან დაახლოებული წყაროების ინფორმაციით, ქართველი ფეხბურთელი უოტფორდის პრე-სეზონზე არ გამოცხადდა და უკვე მზად არის, რომ სერია A-ს კლუბს შეუერთდეს.
ამ მომენტისთვის გარიგების დეტალები უცნობია, თუმცა იმის გათვალისწინებით, რომ უოტფორდსა და უდინეზეს ერთი და იგივე მფლობელი ჰყავთ, ქართველი ფეხბურთელის ტრანსფერი საკმაოდ მარტივად უნდა განხორციელდეს. შეგახსენებთ, უდინეზეში კიდევ ერთი ქართველი ფეხბურთელი, საბა გოგლიჩიძე ირიცხება, რომელმაც გასული სეზონის მეორე ნახევარი იჯარის წესით სწორედ უოტფორდში გაატარა.
თუ ბოლო მომენტში რაიმე გაუთვალისწინებელი არ მოხდა, უდინეზე გიორგი ჩაკვეტაძის ტრანსფერს უახლოეს საათებში ოფიციალურად დაადასტურებს.
