ქუთაისის ტორპედოსთვის ზაფხულის სატრანსფერო ფანჯარა გაიხსნა. იმერლებმა პირველი ტრანსფერი განახორციელეს და ჩვენი ინფორმაციით, ხორვატი ნახევარმცველი დინო სკორუპი დაიმატეს.
26 წლის სკორუპი ბოსნიურ ბანიაში თამაშობდა. ის ბოსნიის ჩემპიონიცაა და თავის დროზე, ხორვატული ჰაიდუკის და რუმინული სეპსის ღირსებას იცავდა.
LaGazzetta.ge-ს ინფორმაციით, სკორუპი უკვე საქართველოშია, ტორპედოს ბაზაზეა, სადაც სამედიცინო შემოწმება გაიარა და ტრანსფერი ოფიციალურად მალე დადასტურდება.
შეგახსენებთ, რომ ტორპედო საქართველოს თასის ნახევარფინალში ითამაშებს, სადაც მათი მეტოქე გორის დილა იქნება, რის შემდეგაც გუნდი კონფერენს ლიგაზე ჩაერთვება და აზერბაიჯანულ ზირას შეხვდება.
19 ტურის შემდეგ, ტორპედოს 27 ქულა აქვს და სატურნირო ცხრილში მესამე პოზიციას იკავებს.
