უახლოეს მომავალში გაირკვევა შეუერთდება თუ არა თორნიკე ოქრიაშვილი "დინამო თბილისს". ფეხბურთელთან დაკავშირებით, დღეს ყველაზე ტიტულოვანი ქართული კლუბის გენერალურმა დირექტორმა, ზაზა დოლიძემ ისაუბრა:
"როგორც ფეხბურთელს, ასევე კლუბს თანამშრომლობის სურვილი გვაქვს. მოგეხსენებათ, თორნიკე გასული ზაფხულის შემდეგ უგუნდოდაა. ვმუშაობთ, გვაქვს წინასწარი შეთანხმება, უახლოეს მომავალში სამედიცინო შემოწმებას გაივლის. იმედია, ყველაფერი კარგად ჩაივლის და თორნიკე "დინამო თბილისს" შეუერთდება, "- განაცხადა "დინამო თბილისის" გენერალურმა დირექტორმა, ზაზა დოლიძემ.
ოქრიაშვილმა ბოლო ოფიციალური მატჩი 2023 წლის 9 აპრილს ჩაატარა, როდესაც გაგრას შემადგენლობაში ირიცხებოდა. ეს შეხვედრა ფეხბურთელისთვის საკმაოდ ცუდად დასრულდა — შეხვედრის 52-ე წუთზე მთავარმა არბიტრმა თორნიკე მოედნიდან გააძევა. ამ დღის შემდეგ ფეხბურთელს ოფიციალური შეხვედრა აღარ ჩაუტარებია.
"თორნიკე ოქრიაშვილთან წინასწარი შეთანხმება გვაქვს", - ზაზა დოლიძე
